Pfigaron
食 勻 十 八 區

食 勻 元 朗 ◇ 大 榮 華 酒 樓


大 榮 華 酒 樓

    小 使 一 向 喜 歡 將 隱 藏 於 民 間 的 優 質 食 肆 揪 出 來 , 介 紹 一 下 , 當 做 日 記 也 好 , 推 介 也 好 , 好 讓 自 己 唻 個 回 憶 。 元 朗 大 榮 華 係 知 名 食 府 , 以 圍 頭 菜 打 響 名 堂 , 相 信 已 有 多 位 文 壇 高 手 寫 過 不 知 多 少 篇 出 色 的 食 評 了 , 我 也 無 謂 班 門 弄 斧 。 不 過 , 由 於 我 常 常 在 元 朗 出 沒 , 也 久 不 久 就 到 大 榮 華 用 膳 , 忍 下 住 手 , 都 係 想 與 大 家 分 享 一 下 我 的 所 見 所 感 。

    大 榮 華 係 一 間 享 負 盛 名 的 長 青 酒 樓 , 在 元 朗 區 開 業 多 年 仍 能 保 持 傳 統 。 亦 即 係 話 , 好 多 兒 時 到 酒 樓 的 場 面 , 都 尚 可 以 在 大 榮 華 搵 得 翻 。 例 如 , 茶 市 不 設 派 籌 , 要 自 己 搵 張 快 結 帳 的 檯 後 等 位 。 星 期 六 的 晚 市 , 難 以 訂 位 之 餘 , 下 午 五 時 多 就 排 上 長 長 的 人 龍 等 候 晚 市 入 坐 。 究 竟 是 甚 麼 的 吸 引 力 呢 ? 梁 文 韜 先 生 的 魅 力 可 能 幫 上 了 一 把 , 不 過 , 大 榮 華 本 身 出 品 用 料 上 乘 及 烹 調 得 宜 的 味 道 , 可 能 才 是 令 人 甘 願 等 了 又 等 的 原 因 。

    我 愛 於 平 日 晚 市 光 顧 , 如 果 早 少 少 去 , 通 常 都 不 用 等 位 的 。 大 榮 華 的 晚 市 有 精 選 菜 色 , 每 個 月 都 有 新 菜 式 加 入 , 雖 然 不 是 貴 價 的 料 理 , 四 十 多 元 一 個 菜 , 都 算 幾 抵 食 。 以 下 就 係 我 昨 晚 所 點 的 菜 :

雞蛋焗魚腸&火腩支竹生蠔煲
↑ 左 下 角 : 雞 蛋 焗 魚 腸 ; 右 上 角 : 火 腩 支 竹 生 蠔 煲 。 雞 蛋 焗 魚 腸 在 其 他 地 方 不 易 吃 得 到 , 大 榮 華 亦 用 上 充 足 份 量 的 魚 腸 炮 製 , 吃 前 加 上 胡 椒 粉 , 愛 吃 魚 腸 的 人 不 要 錯 過 。 就 算 你 不 好 此 道 , 食 落 口 都 不 會 覺 得 有 腥 味 。 至 於 個 火 腩 支 竹 生 蠔 煲 , 秉 承 其 一 貫 作 風 , 足 料 。 所 以 沒 有 發 生 火 腩 多 過 生 蠔 的 欺 場 情 況 。 另 外 , 生 蠔 煲 的 汁 用 來 撈 飯 也 很 美 味 。

缽仔蒸飯及左右護法
↑ 缽 仔 蒸 飯 及 左 右 護 法 ── 左 頭 抽 右 豬 油 。 大 榮 華 其 中 一 道 出 名 的 食 物 就 係 缽 仔 蒸 飯 , 左 以 少 少 豬 油 和 頭 抽 混 在 一 起 撈 飯 , 又 真 係 幾 好 食 。
↓ 撈 好 的 樣 子 。 溫 馨 提 示 , 動 物 脂 肪 多 為 飽 和 脂 肪 , 小 吃 多 滋 味 , 多 吃 壞 肚 皮 。
缽仔蒸飯

梅子蒸烏頭
↑ 梅 子 麵 醬 蒸 烏 頭 , 可 惜 呢 條 烏 頭 未 算 肥 美 , 冇 乜 黃 油 。 自 從 收 看 過 某 集 無 綫 電 視 節 目 《 日 日 有 食 神 》 , 介 紹 梁 文 韜 先 生 於 凌 晨 親 身 到 元 朗 魚 塘 網 烏 頭 魚 , 並 即 席 烹 調 , 印 象 深 刻 。 每 次 去 到 大 榮 華 , 就 總 會 想 起 呢 集 的 內 容 , 要 吃 一 條 烏 頭 魚 。 之 前 在 大 榮 華 食 過 一 條 黃 油 烏 頭 , 簡 簡 單 單 的 以 檸 檬 乾 及 油 鹽 水 隔 水 蒸 , 淨 係 食 黃 油 已 經 非 常 美 味 , 至 今 仍 念 念 不 忘 。 不 時 不 吃 , 看 來 要 在 烏 頭 當 做 時 才 可 以 翻 尋 味 。

奶王馬拉糕
↑ 甜 品 ── 奶 王 馬 拉 糕 。 午 時 光 顧 的 話 係 要 像 打 游 擊 戰 排 隊 輪 的 , 茶 客 離 遠 見 到 冒 煙 的 蒸 籠 由 廚 房 出 籠 時 , 就 蜂 擁 而 上 排 隊 , 行 慢 半 步 就 要 等 下 一 輪 。 晚 市 就 輕 鬆 得 多 , 只 消 在 點 餸 紙 上 輕 輕 一 劃 , 就 可 以 讓 整 籠 端 上 檯 送 到 你 面 前 。 馬 拉 糕 不 會 有 發 粉 的 苦 味 , 鬆 軟 非 常 。 我 們 有 備 而 來 , 自 携 密 實 盒 拎 回 家 當 夜 消 。

    就 係 如 此 美 食 , 就 吸 引 我 們 久 不 久 就 去 試 一 試 新 菜 。 圍 頭 菜 選 料 不 算 得 上 係 非 常 名 貴 的 東 西 , 不 過 , 靠 上 充 分 的 調 味 以 及 烹 調 得 宜 的 手 法 , 平 凡 的 食 物 也 能 將 其 美 味 昇 華 起 來 。 另 外 一 提 , 大 榮 華 每 年 都 有 一 段 時 間 休 息 的 , 今 年 就 選 在 5 月 休 息 一 個 月。 光 顧 前 最 好 問 一 問 , 免 得 山 長 水 遠 唻 到 元 朗 白 行 一 趟 。

二 ○ ○ 六 年 二 月 二 十 三 日

    昨 天 又 去 過 大 榮 華 酒 樓 , 今 次 試 了 不 同 的 餸 菜 。

圍頭五味雞
↑ 圍 頭 五 味 雞 ── 十 分 受 歡 迎 的 菜 式 , 昨 晚 平 均 見 一 半 的 檯 也 有 點 呢 款 菜 式 。 濃 郁 的 醬 汁 烹 調 出 來 的 雞 , 整 隻 雞 的 各 個 部 位 都 可 口 , 點 埋 斜 段 切 的 蔥 油 , 可 以 送 三 碗 白 飯 落 肚 。

上湯焗釀土鯪魚
↑ 上 湯 焗 釀 土 鯪 魚 , 左 以 蜆 芥 醬 ── 呢 條 魚 真 係 功 夫 多 多 , 用 上 多 條 的 鯪 魚 魚 膠 , 釀 回 入 原 整 的 鯪 魚 之 中 , 用 上 湯 浸 熟 後 然 後 再 煎 一 煎 外 層 , 既 香 口 , 魚 膠 亦 甚 富 彈 性 。 呢 款 菜 式 由 於 功 序 繁 複 , 其 他 食 肆 不 容 易 食 得 到 , 就 算 在 大 榮 華 亦 只 係 限 量 供 應 , 有 心 試 就 要 早 一 些 到 。
↓ 內 裏 的 樣 子 , 都 填 滿 了 甚 富 口 感 的 鯪 魚 膠 。
上湯焗釀土鯪魚

橄欖油煎蠔
↑ 小 食 , 橄 欖 油 煎 蠔 。 不 是 太 特 別 的 菜 式 。 蠔 身 卻 不 會 太 乾 身 , 入 口 都 頗 有 咬 勁 。

    小 記 , 昨 晚 見 到 梁 文 韜 先 生 巡 場 , 多 檯 食 客 ( 包 括 我 倆 ) 也 拿 出 相 機 與 梁 生 合 照 。 梁 生 也 都 一 一 欣 然 答 應 。

二 ○ ○ 六 年 三 月 廿 三 日

crowded divider
made by notepad 返 回 食 勻 十 八 區 分 頁
Left arrow, previous pageMain pageRight arrow, next page
Chinese