食 勻 十 八 區

食 勻 元 朗 區 • 泰 國 菜 坊


泰 國 菜 坊

    之 前 睇 雜 誌 , 介 紹 元 朗 區 開 設 了 一 間 好 地 道 的 泰 國 菜 , 大 廚 由 某 大 餐 廳 走 出 來 自 立 門 戶 。 一 直 都 好 想 去 試 , 可 惜 每 一 次 都 總 是 記 不 起 地 址 。 星 期 六 行 開 新 界 西 北 搵 食 , 終 於 在 洪 水 橋 丹 桂 山 路 搵 到 呢 間 泰 國 菜 坊 。 如 果 你 係 自 行 駕 駛 前 往 , 附 近 的 洪 順 路 設 有 咪 錶 停 車 場 。

    一 入 到 去 驟 眼 看 , 其 裝 修 與 一 間 舊 式 的 小 型 茶 餐 廳 沒 有 大 分 別 , 細 心 觀 察 , 也 見 一 些 泰 式 擺 設 及 泰 皇 相 片 , 好 像 對 我 們 說 沒 有 找 錯 地 方 似 的 。 一 間 餐 廳 成 功 與 否 , 首 推 食 物 質 素 。 如 果 裝 修 平 淡 些 少 , 食 物 價 錢 也 相 應 降 低 , 也 不 失 為 妙 事 。

    當 日 我 們 兩 口 子 叫 了 以 下 菜 式 : 泰 式 生 蝦 刺 身 、 冬 蔭 功 、 皮 蛋 蝦 餅 、 乾 炒 kezuyake 以 及 兩 個 椰 青 。 蝦 刺 身 以 新 鮮 虎 蝦 去 腸 起 飛 , 每 隻 姆 指 般 大 的 蝦 身 伴 以 一 小 塊 生 蒜 片 及 丁 點 的 指 天 椒 段 , 佐 以 自 家 製 香 草 稠 醋 汁 。 將 新 鮮 的 蝦 肉 蘸 上 醋 汁 , 再 捲 起 生 蒜 片 及 指 天 椒 然 後 放 進 口 中 , 舌 頭 即 時 感 覺 到 蝦 身 那 新 鮮 、 軟 綿 綿 、 稍 稍 黏 身 又 柔 軟 的 口 感 。 再 咬 下 去 , 醋 汁 、 生 蒜 片 及 指 天 椒 散 發 出 其 獨 特 的 香 味 , 提 供 了 些 少 的 咬 勁 , 放 在 一 起 , 為 味 蕾 帶 來 了 既 清 新 又 刺 激 的 感 覺 。 另 一 方 面 , 廚 師 將 蝦 頭 剪 去 觸 鬚 後 , 落 油 鑊 炸 到 既 金 黃 又 香 脆 。 把 連 殼 香 炸 蝦 頭 放 入 口 , 卜 卜 趣 又 略 帶 鹹 香 , 原 來 也 是 不 錯 的 香 口 小 食 。

泰式生蝦刺身
↑ 載 譽 歸 來 的 泰 式 生 蝦 刺 身 。

    下 一 道 上 檯 的 菜 式 係 冬 蔭 功 , 湯 中 見 不 到 香 茅 枝 , 平 時 熟 悉 的 磨 菇 變 成 了 秀 真 菇 。 不 算 太 辣 , 味 道 也 很 好 。

    之 後 上 檯 的 係 皮 蛋 蝦 餅 , 十 分 奇 怪 , 皮 蛋 只 係 鵪 鶉 蛋 的 大 細 , 外 圍 包 上 了 厚 厚 的 蝦 膠 油 炸 , 成 了 大 約 如 細 碼 雞 蛋 的 大 小 。 切 開 後 佐 以 泰 式 酸 辣 醬 , 蝦 膠 及 內 的 皮 蛋 尚 保 持 濕 潤 , 沒 有 炸 得 過 火 , 也 不 算 油 膩 , 配 合 埋 自 家 製 酸 辣 醬 , 感 覺 很 好 。

    最 後 一 道 主 食 係 乾 炒 kezuyake , 係 泰 國 比 較 地 道 的 小 吃 , 實 際 上 係 把 甕 菜 及 粉 絲 用 醬 汁 炒 好 , 然 後 用 一 塊 薄 薄 的 煎 蛋 包 起 上 碟 , 小 小 辣 , 平 時 不 多 見 其 他 泰 國 菜 館 有 供 應 。

    到 了 最 後 , 要 講 一 講 個 椰 青 。 呢 間 舖 頭 的 選 料 都 算 是 上 乘 。 個 椰 青 好 聚 手 好 多 水 , 把 鮮 嫩 的 椰 肉 輕 輕 的 挖 出 來 之 後 ( 都 幾 大 塊 ) , 係 可 以 循 細 小 的 飲 管 吸 進 口 中 , 可 見 係 名 乎 其 實 的 椰 「 青 」 。

    飽 吃 一 頓 之 後 , 侍 應 端 上 了 時 令 飯 後 甜 品 南 瓜 西 米 露 。 離 遠 只 見 一 碗 金 黃 色 的 粥 , 近 看 卻 看 見 廚 師 把 南 瓜 都 打 溶 了 , 變 成 了 一 絲 絲 的 南 瓜 散 落 在 西 米 露 之 間 。 一 入 口 , 只 覺 一 股 深 厚 香 甜 、 又 落 足 材 料 的 南 瓜 味 , 西 米 提 供 了 少 少 的 咬 勁 , 好 一 個 簡 單 卻 深 藏 底 蘊 , 又 色 香 味 俱 全 的 糖 水 。

    如 果 你 吃 得 下 辣 的 菜 色 , 呢 間 不 起 眼 的 泰 國 菜 館 , 相 信 是 不 錯 又 地 道 的 選 擇 。

二 ○ ○ 五 年 十 月 十 八 日


    早 兩 日 重 訪 呢 間 餐 廳 。 今 次 轉 一 轉 口 味 , 分 別 叫 了 泰 式 炒 金 邊 粉 、 辣 椒 膏 炒 蟶 子 皇 , 以 及 再 叫 個 泰 式 生 蝦 刺 生 。

    如 果 你 食 得 辣 , 呢 個 辣 椒 膏 炒 蟶 子 皇 既 有 鑊 氣 , 又 夠 惹 味 。 辣 椒 膏 的 味 道 都 滲 入 哂 大 大 隻 的 蟶 子 入 面 , 隱 約 地 又 有 檸 檬 菜 的 香 味 , 都 幾 好 味 , 蟶 子 皇 既 爽 身 亦 甚 富 咬 勁 。 廚 師 亦 另 設 泰 式 咖 哩 煮 法 , 相 信 都 係 唔 錯 的 選 擇 。

辣椒膏炒蟶子皇
↑ 香 辣 的 辣 椒 膏 炒 蟶 子 皇 。

    到 呢 個 泰 式 炒 金 邊 粉 , 廚 師 用 的 金 邊 粉 比 較 粗 身 , 說 實 話 , 有 點 兒 像 米 線 的 質 感 。 好 老 實 講 , 我 唔 係 好 接 受 到 菜 甫 粒 的 味 道 , 不 過 , 都 算 炒 得 乾 身 , 唔 會 太 油 膩 。 味 道 都 調 校 得 好 好 , 不 過 未 見 驚 喜 。

泰式炒金邊粉
↑ 泰 式 炒 金 邊 粉 。

    非 常 可 惜 , 今 次 廚 師 冇 煮 定 糖 水 , 冇 得 再 試 那 南 瓜 西 米 露 的 味 道 , 可 次 再 臨 可 能 要 先 打 個 電 話 問 清 楚 先 。

二 ○ ○ 五 年 十 一 月 三 日

早一陣子再訪泰國菜屋,試過一些新菜式。

泰式小食拼盤
↑ 泰 式 小 食 拼 盤 。 左 上 角 的 蝦 餅 好 重 蝦 味 , 落 足 料 。 趁 熱 蘸 一 些 蜜 糖 入 口 , ㊣ 。

泰式酸辣粉絲
↑ 泰 式 酸 辣 粉 絲 。

泰式雞肉濕炒河
↑ 泰 式 雞 肉 濕 炒 河 。 河 粉 其 實 係 呈 方 塊 片 狀 , 彈 形 口 感 稍 遜 , 與 平 時 吃 的 河 粉 有 分 別 , 比 較 特 別 。

南瓜西米露
↑ 南 瓜 西 米 露 , 十 分 味 美 。

二 ○ ○ 六 年 四 月 八 日

crowded divider
made by notepad 返 回 食 勻 十 八 區 分 頁
Left arrow, previous pageMain pageRight arrow, next page
Chinese